YFIRPUNGSPISTILLINN 2010
24. July 2010 Sat. | Eistnaflug
Elsku vinir mínir,
Þá er helgin búin og ég veit ekki hvar ég á að byrja. Eistnaflug 2010 var best heppnaða Eistnaflugið til þessa. Aldrei hefur það verið eins vel skipulagt, hljómsveitir aldrei eins tilbúnar að negla flugið, Egilsbúð svo tilbúin í partí né Fjarðabyggð svo gjörsamlega að dansa við okkur - og þið sem komuð að skemmta ykkur gerðuð það svo vel að ég elska ykkur fyrir það. Lögreglan er mjög ánægð með hátíðina, bæði hvað varðar skipulag og hátíðargesti, sem voru til fyrirmyndar eins og alltaf.
Ég verð að segja takk við Flytjanda fyrir allt saman, Egilsbúð fyrir endalausa ást, Hildigunni hjá Fjarðabyggð (við elskum þig!), Ölgerðina sem er búin að dansa með okkur lengi, Signýju Ormars hjá Menningarsjóði Austurlands sem kom Eistnaflugi af stað og á endalausa kossa skilið, Tónlistarsjóð ríkisins, KFF, björgunarsveitin, veraldarvinir, Seeds, Samkaup, Olís, Bakkabúðina og til ykkar allara sem komuð að skemmta ykkur. Ég hef alltaf talað um það að ég held ekki Eistnaflug ef þið hegðið ykkur ekki vel og það var ekki málið. Þið eruð frábær, lögreglan er ánægð með ykkur og það var ekkert helvítis rugl í gangi. Ég er svo ánægður með ykkur, hvað þið eruð frábær og hegðið ykkur vel. Svona á þetta að vera. Takk til ykkar allra og ég kyssi ykkur takk fyrir þegar ég hitti ykkur næst.
Ástríður Tómasdóttir lést sunnudaginn 11. júlí. Hún var mikill vinur Eistnaflugs. Við munum minnast hennar og gera það vel.
Eistnaflug verður haldið aftur aðra helgina í júlí 2011. Munið ég geri þetta ekki einn, ég er með frábæran hóp með mér að skipuleggja þetta og svo ykkur sem komið og skemmtið ykkur án þess að vera með eitthvað helvítis rugl.
Takk til ykkar allra sem eruð búin að hafa samband og klappa mér og mínum á bakið, það er svo gott að fá klapp á bakið eftir alla vinnuna.
Sjáumst hress og takk fyrir okkur.
Kveðja,
Stebbi yfirpungur
Samúðarkveðja
14. July 2010 Wed. | Eistnaflug
Sá sviplegi atburður átti sér stað við Neskaupstað að morgni sunnudagsins 11. júlí að ung kona lést af slysförum. Sú látna, Ástríður Tómasdóttir, var gestur á Eistnaflugi sem oftar áður og kunnug þeim kjarna fólks sem sækir tónleikahátíðina ár hvert. Við kveðjum eina úr okkar hópi með trega. Skipuleggjendur Eistnaflugs votta aðstandendum Ástríðar sína dýpstu samúð.
Tilboð á flugi
25. June 2010 Fri. | Eistnaflug
Tilboð frá Flugfélagi Íslands Ferðatímabil 7. - 11. júlí
Bókanlegt 25. - 28. júní
Flug á aðeins 8.500kr aðra leið með sköttum
Bókaðu núna á www.flugfelag.is
Miðasalan á Eistnaflug er á midi.is
Eistnaflug á Litla-Hrauni
19. June 2010 Sat. | Eistnaflug
Það komast ekki hverjir sem er á Eistnaflug, t.d. ekki fangar. Fangar eiga samt skilið að fá þungarokk og þar sem þeir komast ekki á Eistnaflug þá kemur Eistnaflug til þeirra! Sólstafir, Celestine og Momentum verða sendar í fangelsið Litla-Hraun föstudaginn 25. júní, þar sem hljómsveitirnar spila fyrir vistmenn.
Dagskráin og off venue
16. June 2010 Wed. | Eistnaflug
Hey hó Það eru aðeins 22 dagar í Eistnaflug - partý ársins, græjið miða sem fyrst áður en að þeir klárast. Dagskráin er komin á síðuna með tímasetningum!
Það verður offvenue dagskrá einsog í fyrra, Kolli kvlt mun sjá um einhverja geðveiki í stálsmiðjunni á föstudag og laugardag kl 14:00-19:00. Corpse paint, tónleikar, bíó, endalaus ógæfa, metalísk listaverk, allskonar óhemja, lík liggja útum allt einsog hráviði og Bakkus postulana. Verður m.a. í boði á Offvenue.
Napalm spila a Fimmtudegi
6. June 2010 Sun. | Eistnaflug
Smávægilegar breytingar á dagskránni. Momentum færast af fimmtudegi yfir á föstudaginn, Celestine færast af föstudegi yfir á laugardag og Napalm fara af laugardeginum og yfir á fimmtudaginn.
Sumargleði Kimi á Eistnaflugi
1. June 2010 Tue. | Eistnaflug
Sumargleði plöturfyrirtækisins Kimi Records ætlar að kíkja við á Eistnaflug. Bætast því við hljómsveitirnar Swords of Chaos, Retron og Me the slumbering napoleon á Eistnaflug Þetta er heljarinnar viðbót í geggjaða dagskrá!
Breytingar
4. May 2010 Tue. | Eistnaflug
Smávægilegar breytingar eiga sér stað í dagskrá Eistnaflugs, Saktmóðigur átti að spila á laugardeginum en færast yfir á föstudaginn. We made god fara af föstudeginum og yfir á laugardaginn. Endless Dark lentu í öðru sæti í Global battle of the bands í London, Eistnaflug óskar þeim innilega tila hamingju með þennan frábæra árangur og hlökkum við til að sjá piltana í sumar á Eistnafluginu! Miðasalan gengur brjálæðislega vel og rjúka miðarnir út á degi hverjum, við sjáum mikla aukningu í miðasölunni núna um mánaðarmótin. Það er um að gera að næla sér í miða við fyrsta tækifæri á midi.is eða í verslunum Skífunnar í Kringlunni eða á Laugavegi.
Bastard
17. April 2010 Sat. | Eistnaflug
Málmhljómsveitin Bastard eru bókaðir á Eistnaflug 2010 http://www.myspace.com/heavymetalbastard
Dagskráin
13. April 2010 Tue. | Eistnaflug
Við settum dagskránna inn á síðuna í gær, margir taka líklega eftir að það vantar tímasetningarnar. Við erum enþá að vinna í því. Eistnaflug poppaði upp í spurningu í Gettu Betur þegar MH kepptu á móti MR. MH svaraði spurningunni rétt og fá þau því miða á hátíðina að gjöf frá okkur! Miðasalan er frábær og erum við klikk lukkuleg með hana, það verður uppselt snemma í ár með þessu áframhaldi!
| 
